انشر فعاليتك على موڤنت، وتابعها كلها من مكان واحد

كل فعالية باسم جهتك

كل فعالية على موڤنت تنظّمها جهة. تسوي صفحة جهتك في التطبيق، وتضيف مشرفين يديرونها وياك، وتنشر الفعاليات باسمها، عشان الناس يعرفون منو ورا الفعالية قبل لا ينضمون. الجهة تنعتمد قبل لا تنشر، وكل فعالية جديدة تنراجع قبل لا تطلع للناس.

تفاصيل واضحة قبل الانضمام

تنشر الفعالية بهدفها وموعدها ومكانها على الخريطة وعدد الأماكن. اللي يقراها يعرف شنو المطلوب منه قبل لا يوافق، وهذا يوفّر عليك نص الأسئلة. وإذا العدد اكتمل، الناس يقدرون يدخلون قائمة الانتظار، وأول ما يفضى مكان ياخذه اللي عليه الدور.

شوف منو انضم ومنو حضر

تابع المشاركين من مكان واحد بدل القروبات: منو انضم، ومنو سجّل حضوره، ومنو انعتمد حضوره. وتقدر ترسل رسالة لكل المشاركين، وتراجع تسجيلات الحضور بروحك أو مع مساعدين يوم الفعالية.

المشارك يسجّل حضوره من داخل نطاق الفعالية مع سيلفي، واللي يراجع يشوف بُعده عن المكان، مو موقعه بالضبط. وقرار اعتماد الحضور دايماً بيد شخص. التفاصيل في سياسة الخصوصية.

دعوات للمشاركين والمساعدين

تقدر تشارك رابط دعوة للمشاركين في فعاليتك، ورابط ثاني للي يساعدونك في تنظيمها. المساعد يشوف قائمة المشاركين ويراجع الحضور والفيديوهات، بدون ما يقدر يعدّل تفاصيل الفعالية.

مبادرات بالفيديو

غير الفعاليات في المكان، الجهة تقدر تسوي مبادرة يشارك فيها الناس بفيديو بوقتهم: فيديو دعوة قصير، وفترة مفتوحة للمشاركة، وفلتر عليه أسماء الرعاة اللي يدعمونها. فريق موڤنت يراجع الفيديوهات، والقرار الأخير عندك قبل لا تطلع في صفحة المبادرة.

كوينز للي يحضرون

أول ما ينعتمد حضور المشارك، تجيه كوينز شكر على مشاركته يستعملها في المتجر. الكوينز ما لها قيمة نقدية، ومحد يدفع شي عشان ينضم أو ينشر فعالية.

على App Store

تطبيق موڤنت للآيفون بينزل على App Store، وما هو موجود على Google Play. إذا تنظّم فعاليات في الكويت، سجّل كمنظّم في نموذج التسجيل، أو راسلنا على info@nubadir.com وخبّرنا عن فعالياتك.